Unglingar og fullorðnir

Hægt er að hlusta á textann með því að smella á spilarann neðst á síðunni.

Vísbendingar í talmáli

• Málerfiðleikar enn til staðar.
• Ber nöfn á fólki og stöðum rangt fram og sleppir orðhlutum.
• Erfiðleikar við að endurheimta orð úr minni.
• Vantar tungulipurð, erfitt með að hafa svör á hraðbergi.
• Skilur meira en máltjáning segir til um.
• Hikar við að nota orð sem geta verið rangt fram borin.

Vísbendingar í lestri

• Hefur áður átt við lestrar- og stafsetningarörðugleika að glíma.
• Lestur orðinn nákvæmari með aldrinum en krefst ennþá mikillar orku.
• Lítil lesfimi/hraði.
• Finnst erfitt að lesa upphátt, reynir að komast hjá aðstæðum þar sem þess þarf.
• Erfiðleikar við að lesa óalgeng eða sjaldgæf orð eins og nöfn á fólki, götunöfn, rétti á matseðlum.
• Viðvarandi lestrarerfiðleikar.
• Setur inn styttingar í stað orða og á í erfiðleikum með að þekkja aftur orð sem nýbúið er að lesa.
• Þreytist við lestur.
• Les flest lesefni hægt.
• Á erfitt með fjölvalsspurningar/krossapróf.
• Þarf að eyða miklum tíma í nám og námstengd verkefni.
• Þarf oft að fórna félagslífi fyrir námið.
• Tekur myndasögur og bækur með myndum fram yfir aðrar bækur.
• Velur frekar bækur sem hafa tiltölulega fá orð á hverri blaðsíðu.
• Les sér ekki til ánægju.
• Erfiðleikar við stafsetningu, velur einföld orð sem auðvelt er að stafsetja.
• Á erfitt með að læra runur utan að.

© Helga Sigurmundsdóttir og Steinunn Torfadóttir